ஆதிசங்கரர் அருளிய பிரஸ்னோத்தர ரத்னமாலிகா என்ற நூலில் இடம்பெற்றுள்ள கேள்வி பதில்களில்... இதோ 16 மட்டும்.

எது இதமானது - தர்மம்

எது நஞ்சு - பெரியவர்களின் அறிவுரையை அவமதிப்பது

எதிரி யார் - சோம்பல்

எல்லோரும் பயப்படுவது எதற்கு - இறப்புக்கு

குருடனை விடக் குருடன் யார் - ஆசையுள்ளவன்

சூரன் யார் - கெட்டவழியில் மனம் செல்லாமல் அதை அடக்குபவன்

மதிப்புடன் வாழ என்ன செய்வது - யாரிடமும் எதையும் கேட்காமல் இருப்பது

எது துக்கம் - மனநிறைவு இல்லாமல் இருப்பது

உயர்ந்த வாழ்வு எது - தவறு செய்யாமல் இருப்பது

நிலையில்லாதவை எவை - இளமை, செல்வம், ஆயுள்

எது இன்பம் தரும் - நல்லவர்களின் நட்பு

விலை மதிப்பற்றது எது - காலம் அறிந்து செய்யும் உதவி

இறக்கும் வரை உறுத்துவது எது - நம்பிக்கை துரோகம்

உலகத்தை வெல்பவன் யார் - உண்மையும் பொறுமையும் உள்ளவன்

செவிடன் யார் - நல்லதைக் கேட்காதவன்

நண்பன் யார் - பாவ வழியில் போகாமல் தடுப்பவன்

- க. ஜெயந்தி