'கோயில் இல்லா ஊரில் குடியிருக்கவேண்டாம்' என்பது முன்னோர் வாக்கு. ஊரில் வேறு கோயில் இல்லாவிட்டாலும், குளக்கரை, ஆற்றங்கரை, ஊர்ச்சாவடி, முச்சந்தி என விநாயகர் கோயில் இருக்கும். சிவன், அம்பிகை போன்ற தெய்வங்கள் கருவறையில் இருந்தாலும், முதற்கடவுள் என்னும் அடிப்படையில் பரிவார தெய்வமாக இடம் பெற்றிருப் பவர் இவரே. விநாயகரை கன்னிமூலை என்னும் தென்மேற்கு திசையில் பிரதிஷ்டை செய்வது வழக்கம். அதனால் தெற்கு திசைக்கு 'விநாயகர் திசை' என்ற பெயருண்டு. சாணத்திலோ, சந்தனத்திலோ பிள்ளையாரை பிடித்து வைத்து பூஜிப்பர். 'பிடித்து வைத்தால் பிள்ளையார்' என்று சுலவடை இதன் அடிப்படையில் தான் வந்தது.