கணிதத்தின் முக்கியம்

கணிதத்தில் 'பை' முக்கியமானது. 1706ல் பிரிட்டன் கணித அறிஞர் வில்லியம் ஜோன்ஸ் 'பை' என்ற எண்ணுக்கு குறியீடை வடிவமைத்தவர். எங்கெல்லாம் வட்ட வடிவம் தோன்றுகிறதோ அங்கெல்லாம் 'பை' என்ற மிக முக்கிய எண் தோன்றுகிறது. ஆண்டுதோறும் மார்ச் 14ல் உலக 'பை' தினம் கொண்டாடப்படுகிறது. இதற்குக் காரணம் 'பை'யின் மதிப்பான '3.14' என்ற எண்ணை, மார்ச் 14 (அமெரிக்க முறையில் தேதி) குறிப்பதுதான். அறிவியல் மேதை ஆல்பர்ட் ஐன்ஸ்டீன் இத்தினத்தில் பிறந்தவர். 1988ல் அமெரிக்க இயற்பியல் அறிஞர் லேரி ஷா இத்தினத்தை உருவாக்கினார்.

தகவல் சுரங்கம்

உலக கிட்னி தினம்

உடலில் முக்கியமானது 'கிட்னி'. இது ரத்தத்தை சுத்திகரித்து கழிவுகளை வெளியேற்ற, எலும்புகளை பலமாக்க, சிவப்பு ரத்த செல்களை அதிகரிக்க உதவுகிறது சிறுநீரகத்தின் முக்கியத்துவம் பற்றி விழிப்புணர்வு ஏற்படுத்த மார்ச் இரண்டாவது வியாழன் (மார்ச் 14) உலக கிட்னி தினம் கடைபிடிக்கப்படுகிறது. 'அனைவருக்கும் சுகாதாரமான கிட்னி' என்பது இந்தாண்டு மையக்கருத்து. உலக மக்கள்தொகையில் 10 சதவீதம் பேர் கிட்னி பாதிப்பால் அவதிப்படுகின்றனர். ஆண்டுதோறும் 10 லட்சம் பேர் உயிரிழக்கின்றனர். 20 லட்சம் பேர் டயாலசிஸ் உள்ளிட்ட சிகிச்சை பெறுகின்றனர்.