தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/தினம் தினம்/தினமலர் பவள விழா/மொழித்தரம் மிகுந்த நாளிதழ் தினமலர்

மொழித்தரம் மிகுந்த நாளிதழ் தினமலர்

மொழித்தரம் மிகுந்த நாளிதழ் தினமலர்


PUBLISHED ON : டிச 25, 2025 12:00 AM

Follow on GoogleFavourite on Google

PUBLISHED ON : டிச 25, 2025 12:00 AM


Follow on Google
Latest Tamil News
அ நிறம் | அளவு

மதிப்பிற்குரிய தினமலர் நாளிதழுக்கு என் இதயம் கனிந்த வாழ்த்துகளை தெரிவித்துக் கொள்கிறேன். பல தசாப்தங்களாக தமிழர்களின் அன்றாட வாழ்வில் கலந்து செயல்பட்டு வரும் உங்கள் பத்திரிகை சேவை உண்மையில் உயர்ந்த பாராட்டுக்கு உரியது.தற்போதைய வேகமான தகவல் பரிமாற்ற உலகில், பதட்டமோ, பாகுபாடோ இல்லாமல், துல்லியமான செய்திகளை எளிமையாகவும் தெளிவாகவும் பொதுமக்கள் முன் கொண்டு வருவது ஒரு பெரிய பணி. அந்த பணியை நீங்களும், உங்கள் முழு குழுவும் மிகுந்த அர்ப்பணிப்புடனும், தொழில் நெறிமுறையுடனும் செய்து வருவது குறிப்பிடத்தக்கது.

தமிழ் மொழியின் வளமும் மரபும் அழியாமல், இன்னும் பல தலைமுறைகள் வரை செழித்து வளர வேண்டும் என்ற எண்ணத்தில், நீங்கள் வழங்கி வரும் மொழித்தரம், மிக உயர்ந்த பங்காற்றுகிறது. சமுதாயத்தில் ஒவ்வொரு மனிதனுக்கும் ஏற்பட வேண்டிய விழிப்புணர்வுகளை சரியான நேரத்தில், சரியான விதத்தில் வழங்குவதன் மூலம், பலரின் எண்ணங்களிலும் செயல்பாட்டிலும் நல்ல மாற்றங்களை உருவாக்கி வருகிறீர்கள். விவசாயிகள், தொழிலாளர்கள், மாணவர்கள், பெண்கள், மூத்த குடிமக்கள் ஆகிய எவருடைய பிரச்னையாக இருந்தாலும், அதை பொதுமக்கள் முன் எடுத்து வந்து, தீர்வுக்கான பாதையை உருவாக்கும் விதமாக செய்திகளை வடிவமைத்து வழங்குவது உங்கள் பத்திரிகையின் மிகப்பெரிய பலமாகும்.

பல துறைகள் பற்றி நீங்கள் அளிக்கும் தகவல்கள் தனிநபர் வளர்ச்சிக்கும் சமூக முன்னேற்றத்திற்கும் முக்கிய பங்கு வகிக்கின்றன. நாட்டின் முன்னேற்றத்திற்கான திட்டங்கள், அரசின் நலத்திட்டங்கள், நீதித்துறை செய்தி, பொதுமக்கள் தொடர்பான மாற்றங்கள், பிரச்னைகள் போன்றவற்றை நேர்த்தியான தொகுப்பில் வழங்குவது மக்கள் நலனை முன்னிறுத்தும் உயர்ந்த செயலாகும். அதே நேரத்தில், கலாசார செய்திகள், இலக்கியப் பார்வைகள், சிறப்பு கட்டுரைகள், பாரம்பரியங்களின் விளக்கங்கள் ஆகியவற்றை இணைத்துச் செல்வது தமிழர் அடையாளத்தை வலுப்படுத்துகிறது.

நவீன ஊடக உலகின் தேவைக்கேற்ப டிஜிட்டல் தளங்களிலும் தினமலர் உறுதியான முன்னேற்றத்தை காட்டி வருகிறது. அதனால், புதிய தலைமுறையினரையும் நீங்கள் அணுகி வருகிறீர்கள். தகவல் உலகில் நம்பிக்கையை சம்பாதிப்பது கடினமான ஒன்று; ஆனால், தினமலர் அந்த நம்பிக்கையை பல ஆண்டுகளாக தொடர்ந்து பாதுகாத்து வருவது அதன் தரத்தை வெளிப்படுத்துகிறது.

பொதுமக்களின் குரல், நலன், சிந்தனை ஆகியவற்றை அரசாங்கத்திற்கும் சமுதாயத்திற்கும் சரியான முறையில் இணைக்கும் பாலமாக தினமலர் திகழ்கிறது. இந்த சமூக பொறுப்பை சிறப்பாக நிறைவேற்றும் ஆசிரியர் குழுவுக்கும், நிருபர்கள் அனைவருக்கும் என் மனமார்ந்த பாராட்டுகள். எதிர்காலத்திலும் உங்கள் செய்தித்துறை பயணம் மேலும் பல உயரங்களை அடைந்து, தமிழரின் நம்பிக்கையும் மரியாதையும் பெறும் முன்னணி பத்திரிகையாக நீடிக்க என் இதயம் கனிந்த வாழ்த்துக்கள். மக்கள் நலனை தலையாய குறிக்கோளாக கொண்டு தொடர்ந்து பிரகாசிக்கவும், தினமலர் நாளிதழ் குழுமம் செழித்து மென்மேலும் வளர இறைவனை பிரார்த்திக்கிறேன்.

டாக்டர் சின்னதுரை அப்துல்லா

தாளாளர், செய்யது அம்மாள் பொறியியல் கல்லுாரி, செய்யது அம்மாள் செவிலியர் பள்ளி, ராமநாதபுரம்

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us