அப்பகுதி மக்கள் பலமுறை மின்வாரிய அதிகாரிகள் மற்றும் ஊழியர்களிடம் புகார் அளித்தும், எவ்வித நடவடிக்கை எடுக்கவில்லை. இதுகுறித்து நம் நாளிதழில் நேற்று முன்தினம் படத்துடன் செய்தி வெளியானது.

இதன் எதிரொலியாக, நேற்று மின்வாரிய செயற்பொறியாளர் பாஸ்கரன் உத்தரவின்படி, மின் ஊழியர்கள் இப்பகுதியில் பழுதடைந்த மின்கம்பத்தை அகற்றி, புதிதாக அமைத்து, அதன்பின் மின் வினியோகம் செய்யப்பட்டது. இதனால், குடியிருப்பு மக்கள் மகிழ்ச்சி அடைந்தனர்.