மேலும் அரக்கோணம் சாலையில் இருந்து பேருந்து நிலையத்திற்கு திரும்பும் பகுதியில் நெடுஞ்சாலையில் பள்ளம் ஏற்பட்டிருந்தது. இதனால் அந்த வழியாக செல்லும் வாகன ஓட்டிகள் அடிக்கடி தவறி விழுந்து படுகாயம் அடைந்து வந்தனர்.

இதுதவிர, நெடுஞ்சாலையில் நடந்து செல்பவர்களும் பள்ளத்தில் தவறி விழுந்து வந்தனர். இது குறித்து நம் நாளிதழில் படத்துடன் செய்தி வெளியிடப்பட்டது. இதையடுத்து திருத்தணி நெடுஞ்சாலை துறையின் கோட்டப் பொறியாளர் ரகுராமன் மற்றும் ஊழியர்கள் ஆய்வு செய்து, பள்ளங்களை தார் மற்றும் ஜல்லி கலந்து சீரமைத்தனர். இதனால் வாகன ஓட்டிகள் மகிழ்ச்சி அடைந்தனர்.