ராமநாதபுரம் நகரில் ஜல்-ஜீவன் திட்டத்தில் வீடுகள் தோறும் குடிநீர் வழங்க குழாய் பதிப்பு, பாதாள சாக்கடை குழாய் மாற்றம் ஆகிய பணிகளால் காவிரி குழாய் சேதமடைந்து குடிநீர் வீணாகிறது. குறிப்பாகலேத்தம்ஸ் பங்களா ரோட்டில் பஜார் போலீஸ் ஸ்டேஷன் அருகே சில நாட்களாக குழாய் உடைந்து குடிநீர் வீணாகி ரோட்டில் ஓடியது.

இதுகுறித்து தினமலர் நாளிதழில் நேற்று முன்தினம் படத்துடன் செய்தி வெளியானது. இதன் எதிரொலியாக அப்பகுதியில் சேதமடைந்த குழாய் சீரமைக்கப்பட்டுள்ளது என மக்கள் மகிழ்ச்ச்சி தெரிவித்தனர்.