டவுட் தனபாலு: உங்களுக்கு மாநில கட்சி அந்தஸ்து கிடைக்க பன்னீர்செல்வம் தான் காரணமா... மாநில கட்சி என்ற கெத்துல, சட்டசபை தேர்தல்ல நீங்க அதிக சீட்கள் கேட்கிறப்ப தான், பன்னீர்செல்வத்துக்கு சிக்கல் காத்துட்டு இருக்கு என்பதில், 'டவுட்'டே இல்லை!



மஹாராஷ்டிராவில் செயல்படும், தேசியவாத காங்., சரத்பவார் அணியின் தலைவர் சரத்பவார்: லோக்சபா தேர்தலில் காட்டிய ஒற்றுமை, அடுத்த நான்கு மாதங்களுக்குள் நடக்க உள்ள சட்டசபை தேர்தலிலும் தொடர வேண்டும். மாநிலத்தின் கட்டுப்பாட்டை பெறுவதே என் முயற்சி. இதை அடைய, சட்டசபை தேர்தலில் வெற்றி பெற வேண்டும்.

டவுட் தனபாலு: ஏற்கனவே,மத்திய அமைச்சரவையில் உரிய பிரதிநிதித்துவம் இல்லை என்று பா.ஜ., கூட்டணியில் இருக்கும் ஏக்நாத் ஷிண்டே, அஜித் பவார் போன்றோர் அதிருப்தியில் உள்ளனர்... அது உங்க வெற்றிக்கு உதவும் என கணக்கு போடுவது, 'டவுட்'டே இல்லாம தெரியுது!



தமிழக வேளாண் அமைச்சர் பன்னீர்செல்வம்: கடலுார் மாவட்டத்தில் உள்ள மூன்று சட்டசபை தொகுதிகளில், திருமாவளவனுக்கு ஒரு லட்சம் ஓட்டுகள் அதிகம் பெற்று தருவேன் என கூறினேன்; அதேபோல் பெற்றுள்ளோம். திருமாவளவன் தி.மு.க., கூட்டணியில் அங்கம் வகிக்கும் போதெல்லாம் வெற்றி பெறுகிறார். தொடர்ந்து, மூன்றாவது முறையாக சிதம்பரம் தொகுதியில் வெற்றி பெற்றிருக்கும் அவரால் இத்தொகுதி முன்னேற்றம் அடைந்துள்ளது.

டவுட் தனபாலு: 'சிதம்பரம் தொகுதியை திருமாவளவனுக்கே பட்டா போட்டு கொடுத்துட்டீங்களா'ன்னு, அந்த தொகுதியில் இருக்கும் உங்க கட்சியினர் புலம்புறாங்களே... விரக்தியில, அவங்க மாற்று கட்சிகளுக்கு தாவிடாம இருப்பாங்களா என்பது, 'டவுட்'தான்!

