டவுட் தனபாலு: இவங்களுக்குஎல்லாம் நன்றி சொல்றது இருக்கட்டும்... அரசியல் படிக்கிறதுக்காக, லண்டன் போயிருக்கிற அண்ணாமலைக்குதான் நீங்க முதல் நன்றியை தெரிவிக்கணும்... அவர் மட்டும்,மூன்று மாத பயணமா லண்டன் கிளம்பியிருக்கா விட்டால், உங்களுக்கு இப்படி ஒரு பதவி கிடைச்சிருக்குமா என்பது, 'டவுட்' தான்!

பத்திரிகை செய்தி: தமிழகத்தின்பல பகுதிகளில் கொடி கம்பம் நடுவதற்கும், ஆர்ப்பாட்டம் நடத்துவதற்கும் போலீசார் அனுமதி தராததால், தி.மு.க., மீது விடுதலை சிறுத்தைகள் கட்சியும், மார்க்சிஸ்ட் கம்யூனிஸ்ட் கட்சியும்அதிருப்தி அடைந்துள்ளன.

டவுட் தனபாலு: பின்ன, எப்படிஅனுமதி தருவாங்களாம்...'பா.ஜ.,வுடன், தி.மு.க., சமரசமாகபோனால் ஏத்துக்க மாட்டோம்'னுகொடி பிடிச்சாங்கல்ல...அதுக்கான பதிலடியை ஆளுங்கட்சி இப்படித்தான் தரும் என்பது, 'டவுட்'டே இல்லாம தெரியுது!

அ.ம.மு.க., பொதுச் செயலர்தினகரன்: தி.மு.க.,வை ஆட்சியில் இருந்து அகற்றுவதற்கு அ.தி.மு.க., ஒன்றிணைய வேண்டும் என்பது தான் அனைவருடைய விருப்பம்.ஆனால், அனைவரின் எண்ணப்படி கட்சி ஒன்றிணைவதற்கு பழனிசாமி முட்டுக்கட்டையாக உள்ளார்; பதவி வெறியால் இப்படி குறுக்கே நிற்கிறார். அ.தி.மு.க., ஒன்றிணைந்தால் தான் எதிர்காலத்துக்கு நல்லது.

டவுட் தனபாலு: பழனிசாமிக்கு பதவி வெறின்னு சொல்றீங்களே... 'அ.தி.மு.க., வை ஒன்றிணைக்க முன்வந்தால், எந்த நிபந்தனையும் இல்லாமல், அ.ம.மு.க.,வை இணைக்கிறேன்... எனக்கு சாதாரண தொண்டர் பதவியே போதும்'னு சொன்னால், உங்களுக்கு பதவி வெறி இல்லை என்பதை, 'டவுட்'டே இல்லாம ஏத்துக்கலாம்!