டவுட் தனபாலு: இதைஎல்லாம் மாசு கட்டுப்பாட்டு வாரிய அதிகாரிகள், 'பாலோ' பண்றாங்களா, இல்லையா தெரியாது... ஆனா, அமைச்சரின்இந்த உத்தரவுகளே, அவங்களுக்கு,'அமுதசுரபி'யாக மாறிடுமோ என்ற, 'டவுட்' தான் வருது!



சேலம் கிழக்கு மாவட்ட தி.மு.க., செயலர் சிவலிங்கம்: தி.மு.க., ஆட்சிக்கு வந்தாலே, அரசு அதிகாரிகள் தி.மு.க., மாவட்ட செயலர் உள்ளிட்ட நிர்வாகிகளுக்கு தோழர்களாகதான் இருப்பர். சிலர்வாகனங்களில் மண் அள்ளிச் செல்கின்றனர். உங்களுக்கு திறமை இருந்தால், நீங்களும் மண் அள்ளிச் செல்லுங்கள்; ஆனால், மாட்டிக் கொண்டால், 'கட்சி காப்பாற்றவில்லை' என, புலம்பக் கூடாது. மற்றபடி,கட்சியினருக்கு எதையும் செய்து கொடுக்க தயாராக இருக்கிறேன்.

டவுட் தனபாலு: கட்சியினருக்குஇவ்வளவு பாடம் எடுக்கிற மாவட்ட செயலர், 'மாட்டிக்காம மண் அள்ளுவது எப்படி'என்ற புத்தகம் ஒன்றையும்வெளியிட்டால், ஆளுங்கட்சியினருக்கு இன்னும் அனுகூலமாக இருக்கும் என்பதில், 'டவுட்'டே இல்லை!



இந்திய கம்யூ., கட்சி பொதுச் செயலர் டி.ராஜா: லோக்சபா தேர்தலில் பா.ஜ.,வுக்கு பெரும்பான்மை கிடைக்கவில்லை. பல கட்சிகளின் ஆதரவுடன் தான், பிரதமர் மோடி ஆட்சி அமைத்துள்ளார். இந்த ஆட்சி எத்தனை நாட்களுக்கு என தெரியவில்லை; இப்போதே ஆட்சியில் முரண்பாடுகள் ஏற்படத் துவங்கி விட்டன. ஆட்சி அமைக்க ஆதரவு தெரிவித்த கட்சிகள் கூட, பா.ஜ.,வின் கொள்கைகளை பிடிக்காமல் மாற்றுக் கருத்துகளை கூறி வருகின்றன.

டவுட் தனபாலு: தேசிய ஜனநாயக கூட்டணியில், அந்த அளவுக்கு ஜனநாயகம் இருக்குது...தமிழகத்தில் தி.மு.க., அரசு எது செய்தாலும், ஆமாஞ்சாமிபோடுற உங்க கட்சி மாதிரியே,எதிர் முகாம் கட்சிகளும் இருக்கணும்னு எதிர்பார்க்குறீங்களோ என்ற, 'டவுட்' தான் வருது!

