டவுட் தனபாலு: ஆளுங்கட்சி கூட்டணியில் இருக்கும் வி.சி.,க்களும் கட்சி நடத்தணுமே...போராட்டம் எதுவும் பண்ண முடியாது... அதனால, இந்த மாதிரியான நிகழ்ச்சிகளை அப்பப்ப நடத்தி, கட்சியை உயிரோட்டமா வச்சிருக்காங்களோஎன்ற, 'டவுட்' தான் வருது!



மார்க்சிஸ்ட் கம்யூ., கட்சியை சேர்ந்த, கேரள முதல்வர் பினராயிவிஜயன்: வயநாட்டில் பேரிடர் ஏற்பட்டு, 200க்கும் மேற்பட்டோர்பலியாயினர்; பல ஆயிரம் கோடி ரூபாய் மதிப்புக்கு பாதிப்பு ஏற்பட்டது. ஆனால், மத்திய அரசிடமிருந்து சிறப்பு நிதியாகஇதுவரை எதுவுமே வரவில்லை.மத்திய அரசு உதவி செய்வதாக உறுதி அளித்திருந்தும், அதை நிறைவேற்ற மறுக்கிறது.

டவுட் தனபாலு: எங்க ஊர்ல போன வருஷம் பெய்த மழை, வெள்ள பாதிப்புக்கே இதுவரை மத்திய அரசு நிதி தரலை... இப்ப, உங்களுக்கும் கையை விரிச்சுட்டாங்களா... 'எதிர்க்கட்சிகள் ஆளும் மாநிலங்களை மத்திய அரசு புறக்கணிக்கிறது' என்ற குற்றச்சாட்டு உண்மை தானோ என்ற, 'டவுட்'தான் வருது!



நாம் தமிழர் கட்சியின், விழுப்புரம் வடக்கு மாவட்ட செயலர் சுகுமார்: இரண்டு லோக்சபா, இரண்டு சட்டசபை, ஒரு உள்ளாட்சி தேர்தலில் சிறப்பாக வேலை செய்தேன்; எங்களுக்கான மரியாதை மற்றும்அங்கீகாரத்தை சீமானால் தர முடியவில்லை. ஆனால் சீமான், 'உங்களை யாரும் போஸ்டர் ஒட்டவும், செலவு செய்யவும் கூறவில்லை. நான் செய்வதை தான் செய்வேன், நீங்கள் இருந்தால் இருங்கள்; இல்லாவிட்டால் கிளம்புங்கள்' என்று கூறியதன் அடிப்படையில், கட்சியின் அனைத்து பொறுப்புகள்மற்றும் அடிப்படை உறுப்பினர்பொறுப்பில் இருந்தும்விலகுகிறேன்.

டவுட் தனபாலு: 'கட்சி வேகமா வளர்ந்துட்டு வருது'ன்னு சீமான்தம்பட்டம் அடிச்சுக்கிறாரு... மறுபக்கம், கொத்து கொத்தா நிர்வாகிகள் பிய்ச்சுக்கிட்டு ஓடுறாங்க... சீமான் கட்சியிலும், உள்கட்சி ஜனநாயகம் மருந்துக்கும் இல்லை என்பது, 'டவுட்'டே இல்லாம தெரியுது!

