டவுட் தனபாலு: உங்களதுஆதங்கத்தை பார்த்தால், தனித்து நின்று தன்மானம் காக்க முடிவு எடுத்துட்ட மாதிரி தெரியுதே... உங்களது இந்த முடிவு, தமிழகத்தில் லோக்சபா தேர்தல் முடிவுகளையே புரட்டி போடும் என்பதில், 'டவுட்'டே இல்லை!



அ.தி.மு.க., பொதுச் செயலர் பழனிசாமி: தேர்தல்அறிவித்த பிறகு தான், எங்கள் தலைமையில் கூட்டணி அமைவது குறித்து முடிவாகும். தி.மு.க., கூட்டணி இன்னும் முடிவாகவில்லை. அந்த கூட்டணியில் இருந்து எந்தெந்த கட்சிகள் வெளியேறுகின்றன என பொறுத்திருந்து பாருங்கள்.

டவுட் தனபாலு: அறிவாலயத்துல நடக்க இருக்கும் சீட் பங்கீடு பேச்சுல, கோவிச்சிட்டு சில கட்சிகள் உங்க பக்கம் வரும்னு காத்துட்டு இருக்கீங்களா...? தப்பித் தவறி, சில கட்சிகள் வெளியில வந்தாலும்,பா.ஜ., பக்கம் போவாங்களே தவிர, உங்க பக்கம் எட்டியாவதுபார்ப்பாங்களா என்பது, 'டவுட்'தான்!



அ.தி.மு.க., முன்னாள் அமைச்சர் செல்லுார் ராஜு: மரக்கிளையில் அமரும் பறவை, அதன் கிளை ஒடிந்து விடுமோ என்று அஞ்சுவதில்லை. அதன் நம்பிக்கை கிளையில் இல்லை; சிறகில் உள்ளது. அதுபோல் தான் எங்கள் கட்சி. எங்களுக்கு கூட்டணி இருக்கிறது என்ற நம்பிக்கையை விட, எங்கள்தொண்டர்கள் மீதுள்ள நம்பிக்கை தான் அதிகம்.

டவுட் தனபாலு: தொண்டர்கள் மீது அபார நம்பிக்கை இருந்தா, தேர்தல் தேதி அறிவிப்புக்காக ஏன் காத்திருக்கணும்...? உங்க தலைவி ஜெ., பாணியில, 39 தொகுதிக்கும் வேட்பாளர்களை அறிவிச்சிட்டு, இப்பவே பிரசாரத்துல களம் இறங்கினா, உங்க கட்சியின் துணிச்சலை, 'டவுட்'டே இல்லாம பாராட்டலாம்!

