டவுட் தனபாலு: மேற்காசிய போரால், உலகம் முழுக்க பல நாடுகள்லயும் எரிபொருள் பற்றாக்குறை நிலவுது... ஏதோ, இந்தியாவிலும், தமிழகத்திலும் மட்டும் தான் பற்றாக்குறை என்பது போல பேசுறீங்களே... 'விஜய்க்கு அரசியல் தெளிவு இல்லை'ன்னு உங்களை எதிர்க்கும் சில கட்சியினர் சொல்றதை, உண்மையாக்க பார்க்கிறீங்களோ என்ற, 'டவுட்' தான் வருது!

lll

பத்திரிகை செய்தி: தமிழக சட்டசபை தேர்தலில், தி.மு.க., -- அ.தி.மு.க., கூட்டணி, நாம் தமிழர் கட்சி ஆகிய மூன்று அணிகளுக்கு போட்டியாக, நடிகர் விஜய் தலைமையிலான, த.வெ.க., களமிறங்கியுள்ளது. தேர்தலுக்கு புதியவர்களான, த.வெ.க.,வினர் தேர்தல் செலவுக்கு பணமின்றி மிகுந்த சிரமப்படுகின்றனர். 'தேர்தல் முடியும் வரை செலவுகளை எப்படி சமாளிப்பது' என, புரியாமல் தவித்து வருகின்றனர்.

டவுட் தனபாலு: 'மக்களுக்காக, பல நுாறு கோடி ரூபாய்களை வழங்கும் சினிமாவை விட்டுட்டு வந்திருக்கேன்'ன்னு, அந்த கட்சியின் தலைவர் விஜய் உருக்கமா பேசுறாரே... அவர் சம்பாதித்து வைத்திருக்கும் கோடிகளை எடுத்து, வேட்பாளர்களின் செலவுக்கு தரலாமே... முதல்வர் பதவியில் அமர நினைக்கிறவர், தன் கட்சி வேட்பாளர்கள் ஜெயித்தால் தான், அந்த கனவு நனவாகும் என்பதை யோசிக்க மறந்துட்டாரோ என்ற, 'டவுட்' வருதே!

முதல்வர் ஸ்டாலினின் மருமகன் சபரீசன்: சென்னை வில்லிவாக்கம் தொகுதியில் போட்டியிடும், தி.மு.க., வேட்பாளர் கார்த்திக், என் நண்பர். நானே வேட்பாளர் என நினைத்துக் கொள்ளுங்கள். அவரை வெற்றி பெறச் செய்தால், உங்கள் தொகுதிக்கு என்னென்ன தேவையோ, அனைத்தையும் அவர் செய்து கொடுப்பார். அதற்கு நான் உத்தரவாதம்.

டவுட் தனபாலு: முதல்வர் குடும்பத்தில் ஏற்கனவே கனிமொழி, உதயநிதி அரசியல்ல இருக்காங்க... இந்த தேர்தல்ல, உங்க நண்பரை வேட்பாளராக்கிட்டீங்க... அடுத்த தேர்தல்ல நீங்களும் போட்டியிட வசதியா, நண்பரை முதலில் களமிறக்கி, ஆழம் பார்க்கிறீங்களோ என்ற, 'டவுட்' எழுதே!