மேலும், மூன்று மாதமாக 'ஜீப் புல்லிவ்' எனப்படும், ஜீப்பை ஸ்கேட்டிங் மூலம் இழுப்பதற்கு பயிற்சி பெற்று வந்தார்.

ஏற்கனவே, ஜீப் புல்லிவ் முறையில் வெளி மாநிலத்தைச் சேர்ந்த, நான்கரை வயது சிறுவன், 730 கிலோ எடை கொண்ட, 'மாருதி ஆல்டோ' காரை, 16 மீட்டர் இழுத்து சாதனை படைத்தார்.

இதை முறியடிக்கும் விதத்தில், நேற்று, புதுக்கோட்டை மருத்துவக்கல்லுாரி அருகே உள்ள துணைக்கோள் நகரத்தில் ஜஸ்வின்ஜாய், 1,360 கிலோ எடை கொண்ட மகேந்திரா ஜீப்பை, 2 நிமிடத்தில், 50 மீட்டர் துாரம் இழுத்து சாதனை படைத்தார்.

இந்த வீடியோ, 'இந்தியன் புக் ஆப் வேர்ல்டு ரெக்கார்டு' நிர்வாகத்திற்கு அனுப்பி வைக்கப்பட்டது. சிறுவனின் இந்த சாதனை அனைவரின் பாராட்டையும் பெற்றது.