நம் அண்டை நாடான ஆப்கானிஸ்தானில், தலிபான் பயங்கரவாத அமைப்பின் ஆட்சி நடக்கிறது. இங்கு, பெண்களுக்கு என அதிகாரப்பூர்வ திருமண வயது இல்லை. தலிபான்கள், பெண்கள் கல்வி கற்க தடை விதித்தனர். இதனால், 2021க்கு பின் குழந்தை திருமணம், 25 சதவீதம் அதிகரித்தது.

இந்நிலையில், தெற்கு ஆப்கனின் மர்ஜா மாவட்டத்தில், 45 வயது நபர் ஒருவருக்கும், 6 வயது சிறுமிக்கும் திருமணம் நடந்த வீடியோ வெளியானது. வறுமை காரணமாக சிறுமியை அந்த நபருக்கு தந்தையே விற்றுள்ளார்.

இந்த சம்பவத்திற்கு சர்வதேச அளவில் சமூக வலைதளங்களில் கடும் எதிர்ப்பு எழுந்தது. இதையடுத்து, சிறுமியின் தந்தை மற்றும் மணமகனை தலிபான் அரசு கைது செய்தது. இருப்பினும் முறையான குற்றச்சாட்டுகள் எதுவும் பதிவு செய்யப்படவில்லை.

சிறுமி தாய் வீட்டிற்கு அனுப்பப்பட்டார். மேலும், 9 வயதான பின், சிறுமியை மணமகன் தன் வீட்டிற்கு அழைத்துச் செல்லலாம் என கூறியுள்ளனர்.