ராமநாதபுரம் காட்டூரணி பகுதியை சேர்ந்தவர் முனியசாமி 45. இவர் வெளிநாட்டில் பணிபுரிந்து, சில நாட்களுக்கு முன்பு விடுமுறையில் ராமநாதபுரம் வந்தார். நேற்று முன்தினம் இரவு மாரடைப்பால் இறந்தார். அவரது மகள் ஆர்த்தி 17, ராமநாதபுரம் தனியார் பள்ளியில் பிளஸ் 2 படிக்கிறார். இவருக்கு நேற்று பொருளியல் தேர்வு இருந்தது.

உறவினர்கள் ஆறுதல் கூறி ஆர்த்தியை தேர்வு எழுத அனுப்பினர். தேர்வு முடிந்ததும், உடனடியாக வீடு திரும்பிய ஆர்த்தி தந்தையின் உடலை பார்த்து கதறி அழுதார். அனைவரையும் வருத்தமடைய செய்தது.