ஏ.ஆர்.ரஹ்மான், ராஜ்கோட்டி, மணிசர்மா, கார்த்திக் ராஜா, வித்யாசாகர் உள்ளிட்ட 25க்கும் மேற்பட்ட தமிழ், தெலுங்கு, மலையாளம், ஹிந்தி திரைப்பட இசையமைப்பாளர்களிடம் பணியாற்றினார். 2001ல், மின்னலே படத்தின் வாயிலாக இசையமைப்பாளராக அறிமுகமானார்.

அப்படத்தின், 'வசீகரா, அழகிய தீயே' உள்ளிட்டபாடல்கள் பிரபலமடைந்தன. தொடர்ந்து, சாமி, காக்க காக்க, அந்நியன், கஜினி, வேட்டையாடு விளையாடு, உன்னாலே உன்னாலே, வாரணம் ஆயிரம், அயன், ஏழாம் அறிவு, துப்பாக்கி உள்ளிட்ட படங்களுக்கு இசையமைத்து, பிரபலமானார்.

பல்வேறு விளம்பரங்களுக்கும், தமிழக அரசின் விழிப்புணர்வு படங்களுக்கும் இசையமைத்துள்ளார். 'கலைமாமணி, பிலிம்பேர், மேஸ்ட்ரோ' உள்ளிட்ட விருதுகளை பெற்றுள்ளவரின், 50வது பிறந்த தினம் இன்று!