திருப்பூரில், அ.தி.மு.க., சார்பில் நடந்த நீர்மோர் பந்தல் திறப்பு விழாவில், அக்கட்சி தேர்தல் பிரிவு செயலர், பொள்ளாச்சி ஜெயராமன் பங்கேற்றார். அப்போது அவர் கூறுகையில், 'தி.மு.க., ஆட்சியில் தமிழகம் மிகப்பெரிய போதை சாம்ராஜ்யமாக மாறிவிட்டது. கஞ்சா, அபின், கஞ்சா சாக்லேட் புழக்கத்தில் உள்ளன. 'டாஸ்மாக்'கில் கோதுமை பீர் அறிமுகம் செய்துள்ளனர். வித விதமான போதை பொருட்கள் அறிமுகம் செய்வது தான் திராவிட மாடல் ஆட்சியின் தத்துவம்.