அதை கேட்டு, ஒரே ஒரு பெண் தொண்டர் மட்டும் கை தட்ட, 'என்னங்க... மாநில தலைவர்னு சொல்றேன். அக்கா மட்டும் கை தட்டுறாங்க...' என்றதும், தொடர்ந்து ஓரிருவர் கரவொலி எழுப்பினர், இதையடுத்து, 'முதலில் கூச்சத்தை விடுங்கள். வெட்கத்தை விட்டு தாராளமாக கை தட்டுங்கள். அப்போது தான் நாம் வளர முடியும்; அரசியலில் ஜெயிக்க முடியும்' என்றார்.

மூத்த நிருபர் ஒருவர், 'ஆமாங்க... ஸ்டாலின், காமராஜர் ஆட்சி நடத்துறார்னு கூச்சமே இல்லாம இளங்கோவன் சொல்லலியா... அதைத்தான் இவரும் சொல்றார்...' என, 'கமென்ட்' அடிக்க, மற்றவர்கள் கமுக்கமாக சிரித்தனர்.