செல்லுார் ராஜு கூறுகையில், 'இம்முகாமில் இளைஞர்கள் ஆர்வமுடன் ரத்த தானம் செய்தனர். இதை கண்டு ஆளுங்கட்சியே மிரண்டு போய் உள்ளது. தி.மு.க., கூட்டத்திற்கு பீர் பாட்டில் வைத்து அழைப்பர்; நாங்கள், மக்கள் பயன் பெறும் வகையில், ரத்த தானம் எனக் கூறி அழைக்கிறோம். இளைஞர்கள் அதிகம் வருகின்றனர்' என்றார்.

இதில் பங்கேற்ற இளைஞர் ஒருவர், 'சந்தடி சாக்குல, தி.மு.க.,வை ஒரு வாரு வாரிட்டாரே...' என கூற, அருகில் இருந்தவர், 'தேர்தல் வருதுல்ல... சைக்கிள் கேப் கிடைச்சாலும், செல்லுார் ராஜு பிரசாரத்தை ஆரம்பிச்சிடுவாரு...' என சிரித்தபடியே கிளம்பினார்.