நிகழ்ச்சி முடியும் நேரத்திற்கு வந்த நடிகர் ஜீவா, 'நம் முதல்வர் ஸ்டாலின், 37 வயது நபரை போல் இருக்கிறார்' என்றார். பின், தான் நடித்த, சிவா மனசுல சக்தி படம் பார்த்துவிட்டு, முதல்வர் பாராட்டியதை பகிர்ந்த ஜீவா, மூன்று நிமிடங்களுக்குள் சுருக்கமாக பேச்சை முடித்துவிட்டு, அவசர அவசரமாக கிளம்பினார்.

பார்வையாளர் ஒருவர், 'முதல்வரை நன்றாக புகழ்ந்து பேசினால், தேர்தல் பிரசாரத்துக்கு அழைத்து விடுவரோ என பயந்து, மேலோட்டமாக பேசிட்டு ஓட்டம் பிடிக்கிறாரோ...?' என, 'கமென்ட்' அடிக்க, அருகில் இருந்தவர்கள் ஆமோதித்து சிரித்தனர்.