பஸ்சுக்கு காத்திருந்த ஒரு பெண்ணிடம் மேயர், 'என்னம்மா, பஸ் ஸ்டாண்ட்டில் போதுமான வசதிகள் இருக்கா... உங்களுக்கு ஏதாச்சும் குறைகள் இருக்கா...' என, கேட்டார். பஸ் ஸ்டாண்டில் கடை, கடையாக சென்ற மேயர், உணவு பண்டங்களின் தரம் குறித்தும் ஆய்வு செய்தார்.

உடன் சென்ற அதிகாரி ஒருவர், 'நம்ம மேயர் கேமராவை பார்த்தாலே ரொம்ப உற்சாகம் ஆகிடுவார். அடிப்படை வசதியை ஆய்வு செய்கிறேன் என்ற பேரில், கடைகளில் பஜ்ஜி, போண்டாவையும் ஒரு கை பார்த்துட்டு இருக்கார்...' என, முணுமுணுத்தவாறு நடந்தார்.