இந்நிலையில், பந்தலுக்கு வெளியே நின்றிருந்த ஒருவர், 'மக்கள் கூட்டத்தையே காணோமே' என்றார். அருகில் இருந்தவர், 'இங்கே மனு கொடுத்தால், அடுத்த கிராம சபா கூட்டத்துல கூட பதில் தருவதில்லை; சும்மா கணக்கு காட்டவே கூட்டம் நடத்துறாங்க. மக்களுக்கு ஏதாவது செஞ்சா பரவாயில்ல... அப்பதானே ஆர்வமா வருவாங்க. நானும் மனு கொடுத்துட்டு தான் இருக்கேன்; ஒண்ணும் நடக்கல' என்றார்.

இதை கேட்ட மற்றொருவர், 'நானும் மனு கொடுக்க தான் வந்தேன்... உங்க பேச்சை கேட்டதும், அது வெட்டி வேலைன்னு தெரிஞ்சிடுச்சு...' என்றபடியே, வீட்டை நோக்கி நடந்தார்.