பயிற்சியாளர் கார்த்தி பேசும்போது, 'நம் நாட்டில், 516 வகை காய்கறிகள் விளைகின்றன. ஆனால், தமிழக மார்க்கெட்டுக்கு, 90 வகை காய்கறிகளே வருகின்றன. அதிலும் வெங்காயம், தக்காளி, கத்தரி, உருளைக்கிழங்கு என, ஏழு காய்கறிகளையே திரும்ப திரும்ப பயன்படுத்துகிறோம்.

'காய்கறிகளை அரைத்து மாவில் கலந்து, கலர் கலராக தோசை சுட்டு கொடுத்தால், குழந்தைகள் விரும்பி சாப்பிடுவர்; சத்தான உணவாகவும் இருக்கும்' என்றார்.

இதை கேட்ட மாநகராட்சி அதிகாரி ஒருவர், 'அம்மா உணவகத்திலும் இந்த மாதிரி உணவு வகைகளை அறிமுகப்படுத்தினா, ஏழைகள் மட்டுமல்லாம நடுத்தர மக்களும் வந்து சாப்பிடுவாங்களே...' என முணுமுணுக்க, அருகில் இருந்தோர் ஆமோதித்தனர்.