இதில், எட்டாவது வார்டு தி.மு.க., கவுன்சிலர் ராஜகுமாரி, 'வார்டில் நாய்கள் தொல்லை அதிகமாக இருப்பதாக புகார் அளித்தால், 'அங்கு நாய்களே இல்லை' என, அதிகாரிகள் தகவல் தெரிவித்து விடுகின்றனர். தவிர, வேறு இடத்தில் பிடித்து வந்த சில நாய்களை எங்கள் வார்டில் விட்டு சென்று விட்டனர்' என்றார்.

பார்வையாளர் ஒருவர், 'இதென்னங்க கொடுமையா இருக்கு... புகார் கொடுத்து நாய்களை பிடிக்கலைன்னா கூட பரவாயில்லை. வேறு இடத்தில் பிடித்த நாய்களை விட்டு சென்றால் எப்படி...' என கூற, அருகில் இருந்தவர், 'இது தான் கார்ப்பரேஷன் நிர்வாகம் செயல்படுற லட்சணம்...' என்றபடியே எழுந்து நடந்தார்.