அப்போது, 21வது வார்டு அ.தி.மு.க., கவுன்சிலர் ராஜேஷ் சேகர் பேசுகையில், 'வார்டு சபை கூட்டங்களுக்கு, எந்த அதிகாரியும் வருவதில்லை. சம்பிரதாயத்திற்கு கூட்டம் நடத்துவது போல் உள்ளது' என்றார்.

ஆளுங்கட்சி கவுன்சிலர் ஒருவர், 'மண்டல கூட்டத்திற்கே அதிகாரிகள் சரியாக வருவதில்லை. இவர், வார்டு கூட்டத்திற்கு வரலைன்னு சொல்றாரே...'என முணுமுணுக்க, அருகில் இருந்த மற்றொரு கவுன்சிலர், 'எதிர்க்கட்சி கவுன்சிலர் கேட்பதிலும் நியாயம் இருக்கே... அதிகாரிகள் நம்மை எங்க மதிக்கிறாங்க...' என, புலம்பியவாறு நடையை கட்டினார்.