குழந்தையை தள்ளி போட உபயோகிக்கும் குடும்ப கட்டுப்பாடு மாத்திரைகள், விருந்து, விசேஷத்தில் பங்கேற்க, மாதவிடாயை ஒன்றிரண்டு நாட்கள் தள்ளிப் போட உபயோகப்படுத்தும் மாத்திரைகள் அனைத்தும், மார்பக புற்றுநோயை வரவைப்பதில், முக்கிய பங்கு வகிக்கின்றன.என்னிடம் சிகிச்சைக்கு வருவதற்கு முன், ஒரு பெண், 10 ஆண்டுகள் தொடர்ந்து, மாதவிடாய் குளறுபடியை சரிசெய்யும் மாத்திரை களை சாப்பிட்டு இருந்திருக்கிறார். பொதுவாக, இதுபோல் மாதவிடாய் வரவழைக்க தரப்படுபவை, 'ஹார்மோன்' மாத்திரைகள். அவற்றை தொடர்ந்து, 10 ஆண்டுகள் சாப்பிட்டிருக்கக் கூடாது; அது, அவருக்கு தெரியவில்லை.

குழந்தையில்லா சிகிச்சைக்காக என்னிடம் வந்த பெண்ணுக்கு, குழந்தையும் நல்லபடியாக பிறந்தது. ஆனால், அடுத்த மூன்றாண்டுகளில், அவருக்கு மார்பக புற்றுநோய் இருப்பது, உறுதி செய்யப்பட்டது. அப்போது, புற்றுநோய் மருத்துவர் கேட்ட முதல் கேள்வியே, 'நீங்கள் எப்போதாவது மாதவிடாய் பிரச்னைக்காக, 'ஹார்மோன்' மாத்திரைகள் எடுத்துக் கொண்டீர்களா?' என்பது தான்.தொடர்ந்து, 10 ஆண்டுகளாக அந்த மாத்திரைகளை சாப்பிட்டதை கூறியதும், அதிர்ந்த மருத்துவர், அவை தான் புற்றுநோயை வரவழைத்துஉள்ளதாக கூறியிருக்கிறார்.

எனவே, மாதவிடாய் பிரச்னைக்காக மருத்துவர்கள், 'ஹார்மோன்' மருந்துகள் தந்தாலும் கூட, அவற்றை மூன்று மாதங்களுக்கு மேல், எடுத்துக் கொள்ளக் கூடாது. அந்தளவுக்கு அவை, மோசமான பக்க விளைவுகளை ஏற்படுத்தும்.'ஹார்மோன்' மாத்திரைகளால், மார்பக புற்றுநோய் வருவது மட்டுமல்ல, சினைப்பை புற்றுநோயும் வர, அதிகம் வாய்ப்பு இருக்கிறது. ஒருவேளை அவர்கள் பரம்பரையில் புற்றுநோய் இருந்திருந்தால், சீக்கிரமே வர வாய்ப்பு இருக்கிறது; கவனத்துடன் இருப்பது நல்லது.