-- கோபால், கிணத்துக்கடவு.

போக்குவரத்து நெரிசல் பொள்ளாச்சி, மகாலிங்கபுரம் ரவுண்டானா ரோட்டில் வார இறுதி நாட்களில் அதிகளவு வாகனங்கள் ரோட்டோரம் நிறுத்தப்படுவதால், போக்குவரத்துக்கு இடையூறு ஏற்படுவதுடன், அவசர தேவைக்கு வேகமாக பயணிக்க முடியாத சூழல் உள்ளது. இதை போலீசார் கவனித்து சரி செய்ய வேண்டும்.

- பிரசாத், பொள்ளாச்சி.

குறுக்கு பட்டையால் விபத்து பொள்ளாச்சி --- பல்லடம் ரோட்டில் போடப்பட்டிருக்கும் குறுக்கு பட்டைகளால் அடிக்கடி வாகன விபத்து ஏற்படுகிறது. இதனால், பல வாகன ஓட்டுநர்கள் கடுமையாக பாதிக்கப்பட்டுள்ளனர். எனவே, குறுக்கு பட்டைகளை வாகன ஓட்டுநர்கள் நலன் கருதி அகற்றம் செய்து, இதற்கு பதிலாக வேகத்தடை அமைக்க வேண்டும்.

-- செந்தில், பொள்ளாச்சி.

தகவல் மையம் வருமா? வால்பாறையில் நாளுக்குநாள் சுற்றுலா பயணியர் எண்ணிக்கை அதிகரித்து வருகிறது. இங்கு சுற்றுலா பயணியருக்காக தகவல் மையம் இல்லாததால் சிரமப்படுகின்றனர். எனவே, விரைவில் இங்கு சுற்றுலா தகவல் மையம் அமைக்க நடவடிக்கை எடுக்க வேண்டும்.

-- நவீன், வால்பாறை.

ரோட்டோரத்தில் குப்பை பொள்ளாச்சி, மகாலிங்கபுரம் சிறுவர் பூங்கா பின் பகுதியில் ரோட்டோரம் அதிகளவு குப்பை கொட்டப்பட்டுள்ளது. இதனால், அப்பகுதியில் துர்நாற்றம் வீசுவதுடன், சுகாதாரம் பாதிக்கப்படுகிறது. எனவே, நகராட்சி நிர்வாகம் சார்பில் குப்பையை உடனடியாக அகற்றம் செய்ய வேண்டும்.

-- திரவுபதி, பொள்ளாச்சி.

பராமரிப்பில்லாத ரோடு உடுமலை, மலையாண்டிபட்டினத்திலிருந்து உரல்பட்டி செல்லும் ரோடு பராமரிப்பு இல்லாமல், ஜல்லிக்கற்கள் பெயர்ந்து, பரிதாப நிலையில் உள்ளது. ரோட்டை புதுப்பித்து விபத்துகளை தவிர்க்க ஒன்றிய நிர்வாகம் நடவடிக்கை எடுக்க வேண்டும்.

- கணேசமூர்த்தி, உடுமலை.

நிழற்கூரையை மாற்றியமைக்கணும் உடுமலை, போடிபட்டி பஸ் ஸ்டாப்பில் இருந்து தள்ளி நிழற்கூரை கட்டியுள்ளனர். இதனால், பயணியர் நிழற்கூரையை பயன்படுத்த முடியாமல் ரோட்டோரத்தில் பஸ்சுக்கு காத்திருக்கின்றனர். பஸ் ஸ்டாப் அருகில், நிழற்கூரையை மாற்றியமைக்க வேண்டும்.

-சின்னசாமி, போடிபட்டி.

ஒளிராத தெருவிளக்குகள் உடுமலை, பழனியம்மாள் லே-அவுட்டில் தெருவிளக்குகள் எரியாமல் உள்ளது. இதனால், இரவு நேரத்தில் மக்கள் வெளியில் செல்ல அச்சப்படுகின்றனர். அப்பகுதியில் திருட்டு பயமும் அதிகரித்துள்ளது.

-குணசேகர், உடுமலை.

அடையாளம் தேவை உடுமலை, ராமசாமி நகரிலிருந்து அரசு கலைக்கல்லுாரி செல்லும் ரோட்டின் வளைவில் வேகத்தடை அடையாளம் இல்லாமல் இருப்பதால், இரவில் அவ்வழியாக வரும் வாகன ஓட்டுநர்கள் நிலை தடுமாறி விபத்துக்குள்ளாகின்றனர். வேகத்தடைக்கு வெள்ளை, மஞ்சள் நிற வர்ணம் பூச வேண்டும்.

-கருணாகரன், உடுமலை.

சமுதாய நலக்கூடம் மோசம் முக்கோணம் பஸ் ஸ்டாண்ட் அருகே உள்ள சமுதாய நலக்கூடத்தில், 'குடி'மகன்கள் பயன்படுத்துவதோடு, பாட்டில்களை வீசி சுகாதார சீர்கேட்டை ஏற்படுத்துகின்றனர். இதனால் அப்பகுதியின் துாய்மை பாதிக்கப்பட்டுள்ளதோடு, மக்களுக்கும் பாதுகாப்பில்லாத நிலை உள்ளது.

-கிருஷ்ணவேணி, முக்கோணம்.

போக்குவரத்து நெரிசல் உடுமலை, ராமசாமி நகர் ரயில்வே கேட்டிலிருந்து செல்லும் ரோட்டோரத்தில் வாகனங்கள் தாறுமாறாக நிறுத்தப்பட்டுள்ளது. இதனால், கார், வேன் போன்ற வாகனங்கள் ஒதுங்கி செல்ல முடியாமல் குறுகிய ரோட்டில் போக்குவரத்து நெரிசல் ஏற்படுகிறது.

-சுதாகர், உடுமலை.

ரோட்டில் வீணாகும் குடிநீர் உடுமலை-பழநி ரோட்டில், மைவாடி பிரிவு அருகே, கூட்டுக்குடிநீர் திட்ட பிரதான குழாய் உடைந்து ரோட்டில் குடிநீர் வெள்ளமாக பெருக்கெடுத்து ஓடுகிறது. சம்பந்தப்பட்ட துறையினர் உடனடியாக நடவடிக்கை எடுத்து, குடிநீர் வீணாவதை தடுக்க வேண்டும்.

-ஈஸ்வரன், உடுமலை.