மேலும் வனப்பகுதியை ஓட்டி சாலை செல்வதால் வனத்துறை அனுமதி பெறுவதிலும் சிக்கல் இருந்தது.பொது மக்கள் மற்றும் உள்ளாட்சி பிரதிநிதிகளின் தொடர் கோரிக்கைகளை ஏற்று இந்த சாலை, முதல்வரின் சாலைகள் மேம்பாட்டு திட்டம் 2022 - 23ன் கீழ் 77.18 லட்ச ரூபாய் மதிப்பீட்டில் கடந்த சில மாதங்களுக்கு முன் புதிதாக சாலை அமைக்கப்பட்டது.

இந்த சாலை பயன்பாட்டிற்க்கு வந்து சில மாதங்களே ஆன நிலையில், சாலையில் பல்வேறு இடங்களில் தார் பெயர்ந்து குண்டும், குழியுமாக மாறியது.இது குறித்து நமது நாளிதழில் கடந்த ஜன., மாதம் படத்துடன் செய்தி வெளியிடப்பட்டது. இதையடுத்து, சாலையில் பெயர்ந்த பகுதிகள் அகற்றப்பட்டு அந்த இடங்களில் 'பெட்ச்' ஒர்க் பணிகள் செய்யப்பட்டு சாலை சீரமைக்கப்பட்டு உள்ளது.