தனக்கு பல அதிகாரிகளை தெரியும் எனக் கூறியவர், மதுரை, வில்லாபுரம் ஹவுசிங் போர்டில் வீட்டு வசதி வாரிய கட்டுப்பாட்டில் உள்ள, 6 சென்ட் இடத்தை குறைந்த விலைக்கு வாங்கித் தருவதாக ஆசைவார்த்தை கூறினார்.

அரசு இடம் என்பதால் பொதுப்பணித்துறை அதிகாரிகளுக்கு பணம் கொடுக்க வேண்டும் என்றார். அதை நம்பி, 42,000 ரூபாயை கணேசன் கொடுத்தார்.

இந்நிலையில், சரவணன் ஏற்பாட்டில் சர்வேயர் என கூறிக் கொண்டு, கணேசனை தொடர்பு கொண்ட பிரசன்னா, சசிகுமார் ஆகியோர் பல்வேறு கட்டமாக 32 லட்சம் ரூபாய் பெற்றனர். ஆனால், இடத்தை வாங்கி தராமல் சரவணன் மோசடி செய்தார்.

இதுகுறித்து மத்திய குற்றப்பிரிவு போலீசில் கணேசன் புகார் அளித்தார். இவ்வழக்கில் சரவணன் கைது செய்யப்பட்டார். மற்ற இருவரை தேடி வருகின்றனர். சரவணனிடமிருந்து பச்சை மை, போலி 'சீல்' உள்ளிட்ட பொருட்களை பறிமுதல் செய்தனர்.