இளைஞர்களுக்கு வழிகாட்டியாக விளங்கிய சுவாமி விவேகானந்தர், 1863 ஜன., 12ல் கோல்கட்டாவில் பிறந்தார். இவரது பிறந்த தினம், தேசிய இளைஞர் தினமாக கொண்டாடப்படுகிறது. சிறுவயதிலேயே ஆன்மிக சிந்தனை கொண்ட இவர் பிரம்ம சமாஜத்தில் சேர்ந்தார். 1881ல் ராமகிருஷ்ண பரமஹம்சரை சந்தித்தார்.

1886ல் துறவியாக மாறினார். 'துறவிகள் என்றால் சாது மட்டுமல்லாமல் வீரமாகவும் இருக்க வேண்டும்' என்பார். இந்தியா முழுதும் சென்று பண்பாடு, கலாசாரம் குறித்து போதித்தார். அமெரிக்கா உள்ளிட்ட வெளிநாடுகளிலும் சொற்பொழிவு நடத்தியுள்ளார்.