உயரமான விமான நிலையம்

லடாக் யூனியன் பிரதேசத்தின் லே நகரில் 'குசோக் பகூலா ரிம்போச்செ' விமான நிலையம் உள்ளது. 1985ல் திறக்கப்பட்டது. இது இந்தியாவின் உயரமான விமான நிலையம் என அழைக்கப்படுகிறது. இது சராசரி கடல்நீர்மட்டத்தில் இருந்து 10,682 அடி உயரத்தில் உள்ளது. இந்திய விமானப்படையின் விமான தளம், உள்நாட்டு விமான நிலையமாகவும் செயல்படுகிறது. 9028 அடி நீளமுள்ள ஓடுதளம் உள்ளது. இங்கிருந்து டில்லி, மும்பை, சண்டிகர், ஜம்மு, ஸ்ரீநகருக்கு விமான சேவை இயக்கப்படுகிறது. புதிய டெர்மினல் அமைக்கும் பணி 2019ல் தொடங்கி நடந்து வருகிறது.