இதனால், பிரிட்டிஷ் கொலம்பியா பல்கலைக்கழகத்தின் உயிரியல் ஆராய்ச்சியாளரான ரோசலின் டாகின் என்பவர் மயில்களைப் பற்றி ஆராய்வதற்கு எடுத்த அதிவேக வீடியோ காட்சிகளை பார்த்த சூசன் வியப்பில் ஆழ்ந்தார். ஆண் மயில், பெண் மயிலை கவர்வதற்காக தோகையை விரிக்கும்போது, தோகையின் இறகுகளில் உள்ள கண்கள் போன்ற அழகிய வடிவமைப்பு அப்படியே நிலைத்திருக்க, தோகை மற்றும் பின் வால் பகுதிகள் சடசடவென்று அதிர்ந்து, படபடக்கும் ஓசையை ஏற்படுத்துகின்றன. தோகை பெரிதாக உள்ள ஆண் மயில், இன்னும் கூடுதல் வேகம் மற்றும் ஓசையுடன் தோகையை

படபடக்கிறது. எனவே, தோகையில் உள்ள கண்கள் போன்ற வடிவமைப்பின் எண்ணிக்கை அதிகமாக இருப்பது, படபடக்கும் வேகம் அதிகமாக இருப்பது, ஓசை அதிகமாக இருப்பது ஆகியவற்றைப் பொறுத்து பெண் மயில்கள் சொக்கிப் போய் இனப்பெருக்கத்திற்கு சம்மதிக்கின்றன என்று சூசனும், ரோசலினும் முடிவுக்கு வந்திருக்கின்றனர்.இவர்களது ஆய்வு, சமீபத்திய, 'ப்ளோஸ் ஒன்' இதழில் பதிப்பிக்கப்பட்டு உள்ளது.