02. ஆஸ்துமா நோயாளிகளுக்குப் பரவலாகக் கொடுக்கப்படும் ரோப்ளுமிலாஸ்ட் எனும் மருந்து, துாக்கமின்மையால் ஏற்படும் ஞாபகமறதிக்குப் பயன்படுத்தலாம் என ஆஸ்திரியா நாட்டின் ஃபென்ஸ் எனும் நரம்பியல் கூட்டமைப்பு தெரிவித்துள்ளது. எலிகள் மீது நடத்தப்பட்ட சோதனையில் இது கண்டறியப்பட்டுள்ளது.

03. சீனா அனுப்பிய சாங்கே விண்கலம் நிலவின் தென் துருவத்தில் தரையிறங்கி அங்கிருந்த நிலவின் மண் மாதிரிகளை எடுத்துக்கொண்டு பூமிக்குத் திரும்பி உள்ளது. நிலவின் மற்ற பகுதி களுக்கும் தென் துருவத்திற்கும் உள்ள வேறுபாட்டை மண் மாதிரிகளை ஆய்வு செய்வதன் மூலம் அறியலாம்.

04. அமெரிக்காவைச் சேர்ந்த ஒரு தொழிலதிபர் சைக்கிள் விபத்தைத் தடுக்கும் கருவி ஒன்றை உருவாக்கி உள்ளார். இதை சைக்கிளின் பின் பகுதியில் பொருத்திவிட்டால் போதும், பின்னால் வரும் வாகனம் எது, எந்த வேகத்தில் வருகிறது என்பதை உணர்ந்து சைக்கிள் ஓட்டுபவரை எச்சரித்துவிடும்.

05. அமெரிக்காவின் நாசா விண்வெளி ஆய்வு மையம் வியாழனை ஆராய்வதற்காக அனுப்பிய விண்கலம் ஜூனோ. இது தற்போது வியாழனின் துணைக்கோளான ஐஓவின் படங்களை அனுப்பியுள்ளது. இதிலிருந்து அங்கு எரிமலை குழம்புகள் ஆறு போல் ஓடுவது கண்டுபிடிக்கப்பட்டுள்ளது.