02. ஆஸ்திரேலிய கண்டத்தின் தென்பகுதியில் 12 கோடி ஆண்டுகளுக்கு முற்பட்ட டைனோசர்களின் காலடித்தடம் கண்டறியப்பட்டுள்ளது. இவை ஊன் உண்ணும் வகையைச் சேர்ந்தவை என்கின்றனர் ஆய்வாளர்கள்.

03. ஜப்பானில் இதுவரை அறியப்படாத புதிய இனத்தைச் சேர்ந்த நட்சத்திர மீன் கண்டுபிடிக்கப்பட்டுள்ளது. இதன் மொத்த நீளம் வெறும் 10 செ.மீ. தான். கடந்த 50 ஆண்டுகளில் இல்லாதபடியான இந்த புதுகண்டுபிடிப்பு உயிரியல் ஆர்வலர்களை உற்சாகப்படுத்தியுள்ளது.

04. நமது பூமியிலிருந்து 180 ஒளியாண்டுகள் தொலைவில் உள்ள ஆர் டோராடஸ் (R Doradus) எனும் நட்சத்திரத்தை விஞ்ஞானிகள் கண்காணித்து வருகின்றனர். இறந்து கொண்டிருக்கும் நட்சத்திரமான இது நமது சூரியனை விட 350 மடங்கு பெரிதாகி உள்ளது.

05. நமது உடலை நோய்கள் தாக்காமல் காக்கும் தன்மை உடையவை 'டி' செல்கள். இவற்றை நேரடியாக முறிந்த எலும்புகள், சிதைந்த தசைகள் மீது செலுத்தினால் அவற்றைக் குணப்படுத்தும் என்று ஜப்பானைச் சேர்ந்த ஒசாகா பல்கலை ஆய்வாளர்கள் கண்டறிந்துள்ளனர்.