2. சுற்றுச்சூழல் மாசுபாட்டால் கடலில் அமிலத்தன்மை அதிகரித்து வருகிறது. இதனால் பவளப் பாறைகள் வேகமாக அழிகின்றன. இதனால் பவளப் பாறைகளை நம்பி வாழும் 25 சதவீத கடல் வாழ் உயிரினங்கள் ஆபத்தில் இருப்பதாக விஞ்ஞானிகள் தெரிவித்துள்ளனர்.

3. செவ்வாய் கோள் ஒரு காலத்தில் பூமியைப் போல் தண்ணீர், பனி நிறைந்த ஒரு கோளாக இருந்துள்ளது என அமெரிக்காவைச் சேர்ந்த கலிபோர்னியா பல்கலை ஆய்வாளர்கள் தெரிவித்துள்ளனர். அதற்கான தடயங்கள் செவ்வாயின் புவியியல் அமைப்பில் இருப்பதாகக் கூறுகிறார்கள்.

4. WD 1856 +534b என்பது பூமியிலிருந்து 80 ஒளியாண்டுகள் தொலைவில் உள்ள கோள். வியாழன் கோள் அளவில் இருக்கும் இது ஓர் இறந்து போன வெள்ளைக் குள்ள நட்சத்திரத்தைச் சுற்றி வருவதை ஜேம்ஸ் வெப் தொலைநோக்கி மூலம் விஞ்ஞானிகள் கண்டுபிடித்துள்ளனர்.

5. அமெரிக்காவின் டெக்ஸாஸ் மாகாணத்தில் முற்றிலும் புதுவகையான தாவரம் ஒன்றை ஆய்வாளர்கள் கண்டறிந்துள்ளனர். இவற்றின் பச்சை நிற இலைகள் மீது கம்பளி போன்ற முடிகள் மூடியுள்ளன. எனவே இதற்கு உல்லி டெவில் (Wooly devil) என்று பெயரிட்டுள்ளனர்.