காந்தத் தட்டுகளுக்குப் பதிலாக, செறிவூட்டப்பட்ட ஒளிக்கற்றைகள் கண்ணாடியின் உட்புற அமைப்பை செதுக்கி தகவல்களைப் பதிகின்றன. ஒரு புத்தகத்தின் பக்கங்களைப் போலப் பல அடுக்குகளில், 'டெராபைட்' கணக்கான தரவுகள் இதில் அடுக்கப்படுகின்றன.இதற்காகத் தகவல்களை எழுதுவதற்கும், படிப்பதற்கும், புரிந்துகொள்வதற்குமான முழுமையான தொழில்நுட்பக் கட்டமைப்பை ஆராய்ச்சியாளர்கள் தற்போது உருவாக்கியுள்ளனர்.

ஹார்ட் டிஸ்க்கை விடக் கண்ணாடிகள், வெப்பம், அரிப்பு, சிதைவைத் தாங்கும் திறன் கொண்டவை. எனவே, நீண்ட கால தகவல் பாதுகாப்பையே முதன்மை இலக்காகக் கொண்டுள்ளது. மனித நாகரிகங்கள் மறைந்தாலும் நிலைத்திருக்கக்கூடிய ஒரு நிரந்தரத் தகவல் களஞ்சியமாக 'சிலிக்கா' விளங்கும்.