பாரசீக பாதுஷா நவுஷேர்வான் வேட்டையில் பிரியமுள்ளவர்.

ஒரு நாள், வேட்டைக்குச் சென்றார். வழியில், ஒரு நாயை ஒருவன் கல்லால் அடித்தான்; அது கால் ஒடிந்து, நொண்டியபடி ஓடியது.

அச்சமயம், அந்த பக்கமாக, வெகு வேகமாக ஓடி வந்த குதிரை, கல்லால் அடித்தவனை இடித்து தள்ளியது. அவன் கால் ஒடிந்து, நொண்ட ஆரம்பித்தான்.

வேகமாக ஓடிய குதிரை, ஒரு குழியில் விழுந்து காலொன்று ஒடிந்தது; அதுவும் நொண்ட ஆரம்பித்தது.

இவற்றை கவனித்த நவுஷேர்வான், 'கடவுள் எப்படி உடனுக்குடனே தண்டிக்கிறார்' என்று எண்ணியபடி, வேட்டையாடுவதை நிறுத்தினார். அகிம்சையை கடைப்பிடிக்க ஆரம்பித்தார்; யாருக்கும் துன்பம் தராமல் வாழ்ந்தார்.