வாழ்வின் ஒவ்வொரு நிமிடத்தையும் மகிழ்ந்து கொண்டுடாவோம்!

சுறுசுறுப்பு!

ஒருவர் வாரத்திற்கு குறைந்தது இரண்டரை மணி நேரமாவது ஏதாவது வேலைகளில் தன்னை முழுமையாக ஈடுபடுத்திக் கொண்டாலே இதய நோய்கள், ரத்தக் கொதிப்பு, மூளையில் ரத்தஅழற்சி போன்ற நோய்கள் வராமல் தடுத்துவிடலாம் என்கிறது மருத்துவம்.

*வீட்டில் உள்ள இரண்டு அல்லது நான்கு சக்கர வாகனங்களைத் துடைக்கலாம்.

*வீட்டில் சக்கர நாற்காலி இருந்தால் அதில் அமர்ந்து அதனை நம் கைகளால் இயக்கலாம்.

*வீட்டிலுள்ள ஜன்னல், கதவுகள், தரைகளைத் துடைக்கலாம்.

*கூடைப்பந்து, கைப்பந்து, இறகுப் பந்து போன்ற விளையாட்டுகளில் ஈடுபடலாம்.

*சைக்கிள் ஓட்டுவது அல்லது நிற்க வைத்த சைக்கிளில் ஏறி 45 நிமிடங்கள் சுற்றுவது, 3 கிலோ மீட்டர் தூரத்தை 30 நிமிடங்களில் நடப்பது.

*நீச்சல் குளம் அருகில் இருந்தால் அதில் நீச்சலடிக்கலாம்.

இதில் ஏதாவது ஒன்றை ஒரு நாளைக்கு 30,45 நிமிடங்கள் செய்தாலே போதுமானது. உடலும், மனமும் சுறுசுறுப்பாய் இருக்கும்.

சிக்கான சிக்கன ஐடியா!

*மோட்டரிலிருந்து தண்ணீர் தொட்டிக்கு செல்லும் குழாய்களை அதிக வளை வில்லாமல் பொருத்தினால் தண்ணீர் விரைவாக மேலேறும்; மின்சாரமும் மிச்சமாகும்.

*காய்ந்த துணியில் தண்ணீர் தெளித்து அதன்மீது இஸ்திரி போட்டால் மின்சாரம் அதிகமாக செலவாகும்.

*தானாக 'டீப்ராஸ்ட்' ஆகாத ப்ரிட்ஜாக இருந்தால் ஐஸ்கட்டி அதிகமாக பிடித்துப் போகாமல் அடிக்கடி டீப்ராஸ்ட் செய்யுங்கள். இல்லாவிட்டால் அதிக மின்சாரம் செலவாகும்.

*கோடை காலங்களில் வாஷிங் மெஷினில் துவைக்கும் பகுதியை மட்டும் பயன்படுத்தவும். டிரையரை குளிர், மழை காலங்களில் மட்டும் பயன் படுத்தினால் மின்சாரம் மிச்சமாகும்.

*ஏசி-யை வருடத்திற்கு இருமுறை சுத்தம் செய்யுங்கள். ஏசி பில்டரை மாதா மாதம் சுத்தம் செய்யுங்கள். இதனால் மின்சாரம் விரயமாவதைத் தவிர்க்கலாம்.

*ப்ரிட்ஜின் கதவு சரியாக மூடாமலிருந்தாலும், அடிக்கடி ப்ரிட்ஜின் கதவைத் திறந்து மூடினாலும் மின்சாரம் பாழாகும்.

*பயன்படுத்தாத போது கம்ப்யூட்டர் மானிட்டரை 'குஃஉஉக MOஈஉ' ல் வைப்பதால் 40 சதவீத மின்சாரத்தை மிச்சப்படுத்தலாம்.

*பல்புகளின் மீதுள்ள தூசியை துடைத்து வைத்தால் அதிக வெளிச்சம் கிடைப்பதோடு, மின்சாரமும் மிச்சமாகும்.

*பயன்படுத்திய விளக்குகள், மின்விசிறி, 'டிவி', கம்ப்யூட்டர் என அனைத்தையும் அணைத்த பிறகே அறையை விட்டு வெளியேறுங்கள்.

*கூடியவரை வீட்டில் பலர் ஒரே அறையில் இருந்து படிப்பது, 'டிவி' பார்ப்பது என திட்டமிட்டால் மின்சார செலவு குறையும்.

என்றென்றும் அன்புடன், அங்குராசு.