தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/சிறுவர் மலர்/அதிமேதாவி அங்குராசு!

அதிமேதாவி அங்குராசு!

அதிமேதாவி அங்குராசு!


PUBLISHED ON : செப் 23, 2016

Follow on GoogleFavourite on Google

PUBLISHED ON : செப் 23, 2016


Follow on Google
Latest Tamil News
அ நிறம் | அளவு

வாழ்வின் ஒவ்வொரு நொடியையும் மகிழ்ந்து கொண்டாடுவோம்!

கம்ப்யூட்டர் கவனம்!

இனியெல்லாம் கம்ப்யூட்டர்- காலமே!

விண்வெளியில் ராக்கெட் செலுத்துவது முதல், சினிமாவுக்கு டிக்கெட் எடுப்பது வரை அனைத்து பணிகளிலும் நீக்கமற நிறைந்துவிட்டது கம்ப்யூட்டர்! அதன் முன்பாக அமர்ந்துவிட்டால் மட்டும் போதாது... முறையாகக் கையாள்வது பற்றிய பொது அறிவும் அவசியம்! கம்ப்யூட்டரை பாதுகாப்பாக பயன்படுத்துவது, நல்ல முறையில் பராமரிப்பது தொடர்பான சில ஆலோசனைகள், இங்கே இடம்பெறுகின்றன.

சிலர் வேலை வேலை என்று கம்ப்யூட்டரிலேயே ஆழ்ந்து இருப்பர். வேறு சிலர், டிவிட்டர், பேஸ்புக் என நாள் முழுக்க மூழ்கி குடும்பம், உறவு என அனைத்தையும் துறந்து கம்ப்யூட்டருக்கே அடிமையாகிவிடுவர். ஆரம்பத்திலேயே இதைக் கவனித்து நெறிமுறைப்படுத்தாவிட்டால், பலவிதமான சிக்கல்களும், தேவையற்ற மன உளைச்சல்களும் ஏற்படக்கூடும். கம்ப்யூட்டருடன் அளவோடு உறவாடி, குடும்பத்துக்கும் நேரம் ஒதுக்குவதே உத்தமம். ஏனெனில், கம்ப்யூட்டரை விட, நம் காலம் இருக்கும்வரை கூட இருப்பது குடும்பம்தான்.

* இனிக்க இனிக்கப் பேசினாலும், இணைய நட்புக்கு எல்லைக்கோடு அவசியம். நம்மைப் பற்றி, குடும்பத்தைப் பற்றி வெள்ளந்தியாக பேஸ்புக்கில் விவரிப்பது, சமயங்களில் வில்லங்கத்தை விளைவிக்கலாம். முகம் தெரியாமல் சாட் செய்பவர்கள், உண்மைகளைத்தான் சொல்வர் என்பதற்கு உத்தரவாதம் இல்லை. நட்பாகப் பழகுவதற்கு ஒரு ஐ.டி.,யும் தரக்குறைவாகப் பேசுவதற்கு ஒரு ஐ.டி.,-யும் உருவாக்கிக் கொண்டு, பிறரின் மன நிம்மதியைக் குலைக்கும் பேர்வழிகள் இணையத்தில் உண்டு. ஆர்வத்தால், நிம்மதியைத் தொலைக்காதீர்கள். இதற்கு அருகில் இருப்பவர்களை நேசிப்பது மிக நல்லதுதானே. பொழுதுபோக்கலாம்; ஆனால், வாழ்க்கையை பாழாக்கி கொள்ளக் கூடாது.

* சில கம்ப்யூட்டர்களின் இரும்புப் பகுதியைத் தொடும்போது, 'சுரீர்' என்று மெலிதான ஷாக் அடிப்பதைப் பார்த்திருப்பீர்கள். சரியான முறையில், 'எர்த்' இணைப்பு கொடுக்காததே இதற்குக் காரணம். கவனிக்காமல் விட்டுவிட்டால், மின் கசிவு ஏற்படவும், கூடுதல் மின்சாரம் உங்களது உடலில் பாயவும் நேரிடலாம். சரியான எலெக்ட்ரீஷியன் உதவியுடன் முறையாக, 'எர்த்' இணைப்பைக் கொடுப்பது அவசியம். 'லேசான ஷாக்' தானே என்று அசிரத்தையாக இருந்துவிட்டால், ஆபத்தான அளவு மின்சாரம் பாயவும் வாய்ப்பு உண்டு. சிறு செலவுகளை பாராமல், முழுமையான பாதுகாப்பில் இருக்கிறோம் என்பதை விஷயம் அறிந்தவர்கள் மூலம் உறுதி செய்திட வேண்டும்.

* தொடர்ந்து கம்ப்யூட்டர் திரையையே வெறித்து பார்த்துக் கொண்டிருப்பவர்களுக்கு பலவிதமான உடல் உபாதைகள் ஏற்படுவதற்கு வாய்ப்புகள் உண்டு. பார்வைக் குறைபாடு, முதுகுவலி, தலைவலி போன்றவை, அதிக நேரம் கம்ப்யூட்டர் திரையையே உற்றுப் பார்ப்பதாலும், ஒரே இடத்தில் அமர்ந்திருப்பதாலும் ஏற்படுகின்றன. இடைவெளி கொடுத்து, சற்றே நடமாடி, தூரத்தில் தெரியும் மரங்களிலோ அல்லது கண்ணுக்குக் குளிர்ச்சியான காட்சிகளிலோ சற்று நேரம் கவனம் செலுத்துங்கள்; புத்துணர்ச்சி கிடைக்கும்.

* ஒருமுறை, 'ஆன்டி வைரஸ்' நிறுவிவிட்டால் அது எல்லா வைரஸ்களையும் தவிர்த்துவிடாது. அவ்வப்போது, 'அப்டேட்' செய்து கொண்டே இருக்க வேண்டும். காரணம், புதுப் புது வைரஸ்களை உற்பத்தி செய்து கொண்டே இருக்கின்றனர். பெரும்பாலான வைரஸ்களை உற்பத்தி செய்வதே சில, 'ஆன்டி வைரஸ்' நிறுவனங்கள்தான் என்ற பேச்சும் உண்டு. வைரஸ் தடுப்புக்காக, ஒன்றுக்கு மேற்பட்ட ஆன்டி வைரஸ்களை நிறுவக்கூடாது. தரமான நிறுவனத்தின், 'ஆன்டி வைரஸ்' மென்பொருளையே நிறுவுங்கள். வைரஸ் ஏதேனும் புகுந்திருக்கிறதா என்று தினசரி உங்கள் கம்ப்யூட்டரை ஸ்கேன் செய்யுங்கள்.

* பலரும் கம்ப்யூட்டரை அணைப்பதை மின்விளக்கை அணைப்பதைப் போலச் செய்வர். பலவிதமான பிரச்னைகளுக்கும் இது முக்கியமான காரணம் ஆகிவிடும். ஒவ்வொரு விண்டோவையும் முறையாக, 'க்ளோஸ்' செய்துவிட்டு, பின்னரே கம்ப்யூட்டரின் திரையையும், சி.பி.யூ.,வையும் அணைக்க வேண்டும். இல்லை என்றால் கம்ப்யூட்டரின் மூளை குழம்பி, அடுத்த முறை, 'ஆன்' செய்யும்போது பலவிதமான பிரச்னைகளையும் கொடுக்கும்.

* கம்ப்யூட்டரின் அருகில் உண்பதோ, அருந்துவதோ கூடாது. சுத்தம் செய்யும் திரவங்களை நேரடியாக கம்ப்யூட்டர் மீது பீய்ச்ச வேண்டாம். சுத்தமான துணியில் தெளித்து, பிறகு கம்ப்யூட்டரைத் துடைக்கவும். வேக்குவம் கிளீனர் மூலம் வெளிப்புறத்தை சுத்தம் செய்யலாம். ஆனால், உட்பகுதியில் பயன்படுத்த வேண்டாம். சுத்தம் செய்யும்போது கம்ப்யூட்டரை அணைத்துவிடவும்.

* பல சமயங்களில் மிக முக்கியமான கோப்புகளை, 'சி டிரைவ்' என்னும் பகுதியில் சேமித்து வைத்திருப்பர். தவிர்க்க முடியாத காரணங்களால் கம்ப்யூட்டரை, 'பார்மட்' செய்யும்போது, இவை அழிந்து போகக் கூடிய வாய்ப்பு இருக்கிறது. எனவே, வேறு டிரைவ்களிலும், 'பேக் அப்'பாக முக்கியமான கோப்புகளைச் சேமித்து வையுங்கள். நிச்சயம் இது உங்களுக்கு உதவும்.

* பொது கம்ப்யூட்டர்களைப் பயன்படுத்தும்போது, உபயோகித்து முடித்தவுடன் முறையாக, 'லாக் அவுட்' செய்யுங்கள். மற்றவர்கள் உங்களது, ஐ.டி.,-யில் விஷமம் செய்வதை தவிர்க்கும். கம்ப்யூட்டரை விட்டு விலகிய பிறகு கைகளை சுத்தமாகக் கழுவுவது முக்கியம். மௌஸிலும், கீ-போர்டிலும் எக்கச்சக்கமான கிருமிகள் இருக்கக் கூடும். இதனால், நோய்த் தொற்று ஏற்படலாம். அக்கம் பக்கத்தில் இருப்பவர்களில் எவரும் உங்களது, யூசர் ஐ.டி., 'பாஸ்வேர்டு' போன்றவற்றை கவனிக்கவில்லை என்பதை உறுதிபடுத்திக் கொள்ளுங்கள்.

* படிக்கும்போது வெளிச்சம் நமக்குப் பின்புறத்தில் இருந்து வருவது நல்லதல்லவா? ஆனால், கம்ப்யூட்டரில் பணிபுரியும் போது வெளிச்சம் நமக்கு முன்புறம் இருந்து வருமாறு பார்த்துக் கொள்ளுங்கள். அதுதான் கண்ணுக்கு சிரமம் தராமல் இருக்கும். மேலும், ரேடியேஷனைத் தவிர்க்கும் திரையையும் மானிட்டருக்குப் பொருத்தலாம். திரையின் வெளிச்ச அளவு மற்றும் வண்ணங்களின் அடர்த்தி ஆகியவையும் தேவையான அளவிலேயே இருக்குமாறு பார்த்துக் கொள்ளுங்கள். உங்கள் உயரம் மற்றும் மேஜையின் உயரம் ஆகியவற்றைக் கவனத்தில் வைத்து, அதற்கேற்ற உயரம் உடைய நாற்காலிகளைத் தேர்வு செய்யுங்கள்.

என்றென்றும் அன்புடன், அங்குராசு.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us