PUBLISHED ON : நவ 27, 2015

நேபாளத்தைச் சார்ந்த சந்திர பகதூர் டாங்கி, 1939ம் ஆண்டு பிறந்தவர். ஒரு அடி 9.5 அங்குலம் மட்டுமே கொண்ட இவர்... 2012ம் ஆண்டு உலகின் மிக குள்ள மனிதராக தேர்வு செய்யப்பட்டார். இன்றுவரை இவரது உயரத்தை விட குறைந்தவர் உலகில் கண்டுபிடிக்கப் படவில்லை.
* தனது 73 வயதில் உலகின் மிக குள்ள மனிதராக தேர்வு பெற்ற சந்திரபகதூருக்கு ஆறு சகோதரர்கள், இரண்டு சகோதரிகள் உள்ளனர். இவர் குடும்பத்தின் ஏழாவது குழந்தை.
* நேபாள தலைநகர் காத்மாண்டுவுக்கே முதல் தடவை, கின்னஸ் சாதனைக்காக, அழைக்கப்பட்டபோதுதான் சென்றார். இவருடைய எடை -15 கிலோ (32 பவுண்டு)
* இது நாள் வரை ஒரு தடவை கூட மாத்திரையோ, மருந்தோ சாப்பிட்டதில்லை. டாக்டரிடம் சோதனைக்கும் சென்றதில்லை.
* இந்தியாவின் நாக்பூரைச் சேர்ந்த ஜோதி ஆம்கிதான் உலகின் மிக குள்ள பெண்மணி. இருவரையும் சேர்த்து நிற்க வைத்து கின்னஸ் புத்தக 57வது பதிப்பில் (அட்டைப் படத்தில்) வெளியிட புகைப்படம் எடுத்தனர்.
* குள்ள மனிதர் சந்திர பகதூர்... உலகின் மிக உயர மனிதர், சுல்தான் கோசனை (8 அடி 3.3 அங்குலம்) 2014ம் ஆண்டு நவம்பர் 13ம் தேதி சந்தித்து கைகுலுக்கி இருவரும் புகைப்படம் எடுத்துக் கொண்டனர்.
* இவருடைய சகோதரர்களில் 3 பேர் உயரத்தில் 4 அடிக்கும் குறைவாக இருந்தனர்.
* சந்திரபகதூரை உலகின் பல சர்க்கஸ் நிறுவனங்கள், தங்கள் ஸ்பெஷல் காட்சிகளுக்கு அழைத்து, பயன்படுத்தி கொள்கின்றனர்.
- ராஜி ராதா!
