எலிகளில் ஒருவகை தன் வாழ்நாள் முழுவதும் தண்ணீரே குடிப்பதில்லையாம் பட்டூஸ். இதன் பெயர் கூட வித்தியாசமானது. அதைப்பற்றி தெரிந்து கொள்ளலாமா குட்டீஸ்!

வட அமெரிக்காவில் வறண்ட பாலைவனத்தில் இந்த தண்ணீர் குடிக்காத எலிகள் உள்ளன. இதன் பெயர் கங்காரு எலிகள். இந்த எலிகள், கங்காருவை போல தன் பின்னங்கால்களினால் தாவி, தாவி ஓடுவதால் இதற்கு இப்பெயர் வந்தது. பல வகையான பருப்பு விதைகளே இதன் உணவுகள். இவை விதைகளை தேடி பிடித்து, உடனே சாப்பிடாமல், அதை தன் தாடையிலுள்ள பையில் வைத்து கொண்டு, தன் பொந்தில் கொண்டு போய் சேர்க்கிறது. அந்த விதைகள் நிலத்தின் ஈரத்தை கிரகித்து மெதுவாக பெருக்கிறது. அதன்பின் இந்த விதைகளை சாப்பிடும். இப்படி விதையிலுள்ள ஈரம்தான் இதற்கு நீராகிறதே தவிர இவை தண்ணீர் குடிப்பதே கிடையாது!