தேவையான பொருட்கள்:

வெள்ளரிக்காய் - 4

பாசிப்பருப்பு - 100 கிராம்

பச்சை மிளகாய் - 2

தேங்காய் துருவல் - 0.5 கப்

சின்ன வெங்காயம் - 6

கடுகு, உளுந்தம் பருப்பு, பெருங்காயத்துாள், - சிறிதளவு

மஞ்சள் துாள், சீரகம், உப்பு, எண்ணெய், கறிவேப்பிலை தண்ணீர் - தேவையான அளவு.

செய்முறை:

சுத்தம் செய்து நறுக்கிய வெள்ளரிக்காயுடன் பாசிப்பருப்பு, தண்ணீர் சேர்த்து வேக வைக்கவும். வாணலியில் எண்ணெய் சூடானதும் உளுந்தம் பருப்பு, கடுகு, சீரகம், கறிவேப்பிலை தாளித்து, வெந்த வெள்ளரிக்காய், தேங்காய், உப்பு, பெருங்காயத்துாள், மஞ்சள் துாள், நறுக்கிய சின்ன வெங்காயம், பச்சைமிளகாய் போட்டு கொதிக்க விடவும்.

சுவை மிக்க, 'வெள்ளரிக்காய் கூட்டு' தயார். நீர்ச்சத்து மிகுந்ததுள்ளதால் உடல் சூட்டை தணித்து, குளிர்ச்சி தர வல்லது. அனைத்து வயதினரும் விரும்பி உண்பர்.

- எஸ்.எம்.தங்கமீனாள், மதுரை.