PUBLISHED ON : அக் 18, 2019

திண்டுக்கல் மாவட்டம், மேட்டுக்கடை கிராமத்தில் ஒரு மளிகை கடையில், எடையாளராக வேலை செய்து வருகிறேன். கடை முதலாளி, 'தினமலர்' நாளிதழ் வாங்குவார்; ஓய்வு நேரத்தில் படிப்போம். சிறுவர்மலர் இதழை, தவறாமல் படித்து வருகிறேன்.
எனக்கு, இரண்டு மகன்கள்; ஒருவனுக்கு திருமணமாகி, இரண்டு பெண் குழந்தைகள். தினமும், இரவில் துாங்கப்போகும் முன், அவர்களுக்கு, சிறுவர்மலர் இதழில் வெளிவரும் கதை, கட்டுரைகளை, படித்து கூறுவேன். மிகவும் ஆர்வமுடன் கேட்பர்.
அதில் கூறப்படும் அறங்களை கடைபிடித்து, நல்ல முறையில் வளர்கின்றனர்.
என் வயது, 61; சிறுவர்மலர் இதழ்களை படிக்கும் போது மிகவும் உற்சாகம் ஏற்படுகிறது. அனைத்து பக்கங்களும் பயன்தருவதாக உள்ளன.
வெள்ளிக்கிழமை என்றால், 'சிறுவர்மலர் வாங்கி வந்து விட்டீர்களா தாத்தா...' என்று, ஆர்வமுடன் கேட்கின்றனர். சிறுவர்மலர் இதழ், மேலும் வளர வாழ்த்துகிறேன்.
- கோ.சீனிவாசன், திண்டுக்கல்.
