தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/கவிச்சோலை

கவிச்சோலை

கவிச்சோலை


PUBLISHED ON : மே 08, 2011

Follow on GoogleFavourite on Google

PUBLISHED ON : மே 08, 2011


Follow on Google
Latest Tamil News
அ நிறம் | அளவு

அமைதி நிலை!

* அலைந்து கொண்டிருக்கும்

மனதிற்குள்

மரத்திற்கு மரம் தாவும்

குரங்காக...

தாவிப் பாயும் எண்ணங்கள்

நிலை கொள்ளாமல்...

* ஒன்றிலிருந்து இன்னொன்றிற்கு

மாறும் - கணப் பொழுது

காட்சிகள்...

ஆர்ப்பரிக்கும் கடல் அலைகள்

ஓடி வந்து

கரையேற முடியாமல்

சுருண்டோடும் தோல்வி நிலை போல!

* நிமிடத்திற்கொரு முறை

மாறிப் போகும்

அலை பாயும் எண்ணங்கள்!

* வித்தியாசமாக —

பணம் தேடி

மனம் தேடி

மார்க்கம் தேடி

புகழ் தேடி

பதவி தேடி...

* அமைதியாய்,

ஆவேசமாய்,

எரிமலையாய்

எப்படியெல்லாமோ

ஏறிச் சாடி

தொட்டு விடத் துடிக்கும்

தூரங்கள்

வித விதமாய்!

* தூங்கும் போதும்

இமைப் பறவைகளுக்குள்

இன்னும் கனவுத் திரைகளில்

காட்சித் தீவனங்கள்...

அமைதியில்லாமல்

மனச் சஞ்சலங்களுக்குள்...

* எத்தனை ஓடியும்,

எவ்வளவு தேடியும்

கிடைக்காமல் போகும்

அமைதியின் மோன நிலை!

* என்றேனும் உள்ளுக்குள்ளே

தேடிப் பார்த்து புரிந்து

கொண்டோமா...

நிம்மதி வேறு எங்குமில்லையடா

நமக்குள்ளேயே உள்ளது என்று!

— ரஜகை நிலவன்,
துபாய்.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us