தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/கவிதைச்சோலை - என்ன செய்ய !

கவிதைச்சோலை - என்ன செய்ய !

கவிதைச்சோலை - என்ன செய்ய !


PUBLISHED ON : ஜன 09, 2011

Follow on GoogleFavourite on Google

PUBLISHED ON : ஜன 09, 2011


Follow on Google
Latest Tamil News
அ நிறம் | அளவு

* அந்த நினைவு

அடுக்குகளில் எந்த

அடுக்கில் நீ ஒளிந்திருக்கிறாய்

புரியவில்லை...

ஆனால், அடிக்கடி

நான் விரும்பாத வேளையிலும்

கூட என்னில்

எட்டி எட்டிப் பார்க்கிறாய்...

* அந்த வசந்த காலங்களை

இந்த கசந்த காலங்களோடு

ஒப்பிடும் போது...

அது என் வாழ்வில்

எவ்வளவு பெரிய பொற்காலம்

என்பது இப்போது

உள்ளே ஒளிர்கிறது

உணர்வுத் திரியில்...

* அந்தத் தீயை

விளக்காகத் தான்

வெளிச்சம் தர பயன்படுத்த

நினைக்கிறேன்...

ஆனால், நீ மட்டும்

எனக்குள் விழித்து

எழுந்து என்னையே

எரியச் செய்து

விட்டுப் போய் விடுகிறாய்...

* பஸ்பமாகி, சாம்பலாகித்

திரும்பத் தான்

இன்னொரு பிறவி

எடுத்து எனக்குள்

எழுகிறேன்...

* விட்டுச் சென்ற

காலடிச் சுவடுள்

அந்த சுண்டு விரலின்

விரிவில் ஏனோ

உன் மருதாணி

வரைந்த வெண்சிவப்பு

பாதங்களைத் தான்

நினைவுப்படுத்தி விட்டுப்

போகின்றன...

* ஏன் எனக்குள்

அடிக்கடி விழிக்கிறாய்...

எத்தனையோ அடுக்குகள்

மறைந்து மறந்து

போன போது...

நீயும் அத்தோடு

தொலைந்து போவாய்

என்று தான்

எண்ணியிருந்தேன்...

* ஆனால், நினைவுகளில்

தொலைந்து போக

வேண்டியவைகள் தான்

அதிகமாக வந்து

ஞாபக விளிம்புகளில்

குடி கொண்டிருக்கின்றன...

அந்த விளிம்பு

முழுவதும்

உன் கறுப்பு - வெள்ளை

விழிப் பூக்கள்

நிறைந்து வழிய...

* ஒழிந்து போ

என்று சாபமிட

விரும்புகிறேன்

முனிவனாக இருந்திருந்தால்...

ஆனால், முட்டிப்

பார்க்கும் உன்

நினைவுகளை எறிய

முடியாத ஏழை மானிடன்

நான் என்ன செய்ய...

— ரஜகை நிலவன், மும்பை.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us