PUBLISHED ON : செப் 09, 2012

அ நிறம் | அளவு
தண்டனை!
* காமம் அவளின்
கண்ணை மறைத்தது
கருவறையில் நான் நுழைந்தேன்!
* காமம் தொலைந்து
அவளின் கண் திறந்தது
நான் வளர்ந்து விட்டேன்!
* காதல் கசந்தது
கல்யாணம் கனவாய் போனது!
* அவமானத்தின் சின்னமென்று
அவமதிக்கப்பட்டேன்...
அவளின் உறவினரால்!
* எங்கோ ஒரு ஊரில்
என்னை பிரசவித்தாள் அவள்!
* என் முகம் பார்த்த அவளோ
என்னில் அவனைக் கண்டாள்!
* குப்பைத் தொட்டியில்
வீசப்பட்டேன்...
அவளின் காதலைப் போலவே!
* அவனும், அவளும்
செய்த தவறுக்கு
தண்டனை எனக்கு
குப்பைத் தொட்டி!
— ப.லட்சுமி, கோட்டூர்.
