PUBLISHED ON : ஜன 27, 2013

அ நிறம் | அளவு
வாழ்ந்து காட்டுவதே காதல்!
* அன்பை
ஆராதிக்கிற காதல்
ஒரு போதும்
உயிர் பலியை
கேட்பதும் இல்லை
ஏற்பதும் இல்லை!
* அகிம்சையை
நேசிக்கிற காதல்
மரணத்தையா
ருசிக்கக் கேட்கிறது!
* துயரத்தில் ஆழ்த்தி
நெஞ்சத்தை
கனக்கச் செய்கிற
அவ்வப்போது நிகழும்
காதல் தற்கொலைகள்!
* வாழ்க்கையை
வாழாமல்
சாகும் கோழைகளை
காதலே
சபிக்கும்!
* காதல் மட்டும்தான்
வாழ்க்கையா?
காதல் முடிந்து போனால்
வாழ்க்கையே
முடிந்து போகிறதா?
* சாவதில் இல்லை...
சவால்களையும்
எதிர்ப்புகளையும் மீறி
வாழ்ந்து காட்டுவதில்தான் இருக்கிறது
காதலின் பெருமை!
* ஒவ்வொரு
காதல் தற்கொலைகளின் போதும்
தலைகுனிகிறது
காதல்!
* காதல்
உயர்வானதுதான்
பெருமைக்குரியதும்
புனிதமானதும்தான் -
வாழ்ந்து காட்டுகிற போது!
— செந்தலை நெப்போலியன், மண்ணூர்பேட்டை.
