தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/கவிதைச்சோலை!

கவிதைச்சோலை!

கவிதைச்சோலை!


PUBLISHED ON : ஏப் 21, 2013

Follow on GoogleFavourite on Google

PUBLISHED ON : ஏப் 21, 2013


Follow on Google
Latest Tamil News
அ நிறம் | அளவு

சிரிக்க விடுங்கள்!

* அவளை கொஞ்சம்

சிரிக்க விடுங்கள்

வாய் வலிக்கும் மட்டும்

சிரிக்கட்டும்!

* அடக்கமற்ற சிரிப்பென

அணை போட்டு விடாதீர்கள்...

ஆயுட்காலம் எத்தனையோ

அவளின் சிரிப்பிற்கு!

* காதல் முகமூடி அணிந்த

கள்ளப் பருந்துகளால்

அவள் வாழ்வு

கருகிப் போய் விடலாம்!

* உறவென்ற பெயருக்குள்

ஒளிந்திருக்கும்

சில ஓநாய் கூட்டத்தால்

உயிரை இழந்து விடலாம்!

* அறிவை வளர்க்கச் சென்று

சில அற்பர்களின்

ஆசைத் தீயில்

சிதைந்து விடலாம்!

* வாழ்க்கை காட்டில்

வழிதவறிய மானாய்

வஞ்சகர் வீசும்

வலைக்குள் வீழ்ந்து

வாழ்வை

தொலைத்து விடலாம்!

* பாவிகள் உலகில்

பிறந்து விட்டாள்

பாவை அவளை

சிரிக்க விடுங்கள்!

— ப.லட்சுமி, கோட்டூர்.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us