தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/கவிதைச்சோலை!

கவிதைச்சோலை!

கவிதைச்சோலை!


PUBLISHED ON : ஜூன் 09, 2013

Follow on GoogleFavourite on Google

PUBLISHED ON : ஜூன் 09, 2013


Follow on Google
Latest Tamil News
அ நிறம் | அளவு

எதிர் நீச்சல்!

* கவுரவர்கள் வாழ்ந்த

உலகில் தான்

பாண்டவர்களும் வாழ்ந்தனர்!

* பொய்யர் நிறைந்த

பூவுலகில் தான்

அரிச்சந்திரனும் வாழ்ந்தார்!

* நரகர்கள் வாழ்ந்த

உலகத்தில் தான்

தேவர்களும் கோலோச்சினர்!

* அரக்கர்கள் வாழும்

இவ்வுலகில் தான்

அறிஞர்களும் வாழ்கின்றனர்!

* வஞ்சகர்கள் சூழ்ந்த

உலகில் தான்

விஞ்ஞானிகளும் உலா வருகின்றனர்!

* பேதைகள் நிறைந்த

நாட்டில் தான்

மேதைகளும் இருக்கின்றனர்!

* துரோகிகள் நிரம்பிய

சமூகத்தில் தான்

தியாகிகளும் தலை நிமிர்கின்றனர்!

* புல்லுக்கு ஓடும்

மழை நீர் தான்

நெல்லுக்கும் ஓடுகிறது!

* சேற்றில் விழும்

சூரிய ஒளிதான்

செந்தாமரையிலும் ஒளிர்கிறது!

* மனிதா...

வாழ்க்கைச் செடி என்பது

ரோஜா மட்டுமல்ல...

அதன் முள்ளையும் சேர்த்துத்தான்!

— கா.முத்துச்சாமி, தொண்டி.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us